Azərbaycan Respublikası dövlət büdcəsi təsnifatının tərkibi

(Azərbaycan Respublikası Maliyyə Nazirliyinin 05 avqust 1996-cı il tarixli İ-54 №–-li əmri ilə təsdiq edilmiş, 17 sentyabr 1997-ci il tarixli İ-66 №–-li və 03 avqust 1998-ci il tarixli İ-63 №–-li əmrlərlə edilən dəyişikliklər nəzərə alınmışdır).

1. Azərbaycan Respublikası Dövlət büdcəsi gəlirlərinin təsnifatı (1 nömrəli əlavə).

2. Azərbaycan Respublikası Dövlət büdcəsi xərclərinin funksional təsnifatı (2 nömrəli əlavə).

3. Azərbaycan Respublikası Dövlət büdcəsi xərclərinin iqtisadi təsnifatı (3 nömrəli əlavə).

4. Azərbaycan Respublikası Dövlət büdcəsinin daxili və xarici maliyyələşdirmə mənbələrinin təsnifatı (4 nömrəli əlavə).

5. Azərbaycan Respublikasının Dövlət daxili və xarici borcunun növləri üzrə maliyyələşdirmənin təsnifatı (5 nömrəli əlavə).

6. Azərbaycan Respublikası Dövlət büdcəsi xərclərinin təşkilatlar üzrə təsnifatı (6 nömrəli əlavə).

7. Azərbaycan Respublikası Dövlət büdcəsi xərclərinin funksional təsnifatının bəzi tədbirlərinin tətbiqi üzrə göstərişlər (7 nömrəli əlavə).

8. Azərbaycan Respublikası Dövlət büdcəsi xərclərinin iqtisadi təsnifatının tətbiqi üzrə göstərişlər (8 nömrəli əlavə).

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 1 nömrəli əlavə

Azərbaycan Respublikası dövlət büdcəsi gəlirlərinin təsnifatı

Qeyd: Vergilərdən daxilolmalar (bölmə 1) + vergi olmayan gəlirlər (bölmə 2) = CARİ GƏLİRLƏR

Cari gəlirlər + əsaslı gəlirlər (bölmə 3) + rəsmi qaydada alınan vəsaitlər (bölmə 4)=ÜMUMİ GƏLİRLƏR

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 2 nömrəli əlavə

Azərbaycan Respublikası dövlət büdcəsi xərclərinin funksional təsnifatı

Qeyd: Dövlət büdcəsi xərclərinin təşkilatlar üzrə təsnifatı (fəsillərin siyahısı) 6 nömrəli əlavədə verilir.

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 3 nömrəli əlavə

Azərbaycan Respublikası dövlət büdcəsi xərclərinin iqtisadi təsnifatı

Qeyd: Ümumi xərclər, qaytarılan məbləğ çıxıldıqdan sonra kreditlərin verilməsi = Ümumi xərclər + Qaytarılan məbləğ çıxıldıqdan sonra kreditlərin verilməsi

Ümumi xərclər = Cari xərclər + Əsaslı xərclər

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 4 nömrəli əlavə

Azərbaycan Respublikası dövlət büdcəsinin daxili və xarici maliyyələşdirmə mənbələrinin təsnifatı

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 5 nömrəli əlavə

Azərbaycan Respublikasının dövlət daxili və xarici borcunun növləri üzrə maliyyələşdirmənin təsnifatı

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 6 nömrəli əlavə

Azərbaycan Respublikası dövlət büdcəsi xərclərinin təşkilatlar üzrə təsnifatı

Fəsillərin siyahısı

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 7 nömrəli əlavə

Azərbaycan Respublikası dövlət büdcəsi xərclərinin funksional təsnifatının bəzi tədbirlərinin tətbiqi üzrə göstərişlər

1-ci bölmənin 4-cü köməkçi bölməsinə aid edilən xərclər üzrə

Elm

1-ci «Proqnozlaşdırılan müqavilələrin bağlanılması və başqa növ elmi-tədqiqat, təcrübə-konstruktor işləri üçün vəsaitlər» paraqrafına müxtəlif sahələrdə müqavilə işlərinin ödənilməsinə ayrılan büdcə təxsisatları, başqa növ elmi-tədqiqat və təcrübə-konstruktor işləri, eləcə də elmi idarələrdə aspirantların hazırlanması üzrə (məqsədli aspiranturadan başqa) xərclər aid edilir.

2-ci «Proqnozlaşdırılmayan elmi-tədqiqat və təcrübə-konstruktor işlərinin aparılması üçün vəsaitlər» paraqrafına proqnozlaşdırılmayan elmi-tədqiqat və təcrübə-konstruktor işlərinin həyata keçirilməsi üzrə xərclər aid edilir.

3-cü «Elm üzrə sair idarə və tədbirlər» paraqrafına arxivlərin saxlanılması, elm üzrə sair idarə və tədbirlərin xərcləri aid edilir.

4-cü bölməyə aid edilən xərclər üzrə

Təhsil

1-ci «Məktəbəqədər uşaq müəssisələri» paraqrafına şəhərlərdə, qəsəbələrdə və kənd yerlərində məktəbəqədər uşaq müəssisələrinin təşkili və saxlanılması xərcləri aid edilir.

2-ci «Məktəb-uşaq bağçaları, ibtidai, əsas və orta təhsil məktəbləri, gimnaziyalar, litseylər» paraqrafına bütün növ ibtidai və ümumi orta təhsil mətkəblərinin, o cümlədən məktəb-uşaq bağçaları, ibtidai, əsas və orta təhsil məktəbləri, gimnaziyalar, litsey və kolleclərin, günü uzadılmış qrupların və məktəblər nəzdindəki internatların saxlanılması xərcləri, eləcə də musiqi və rəssamlıq onillik məktəbləri və sanatoriya-meşə məktəbləri üçün xərclər aid edilir.

4-cü «İnternat məktəbləri» paraqrafına xüsusi rejimli və idman təmayüllü internat məktəblərindən başqa bütün tiplərdən olan internat məktəblərinin saxlanılması xərcləri aid edilir.

5-ci «Xüsusi rejimli internat məktəbləri» paraqrafına lal-kar, kor, poliomelit keçirmiş, zəif görmə qabiliyyəti olan, eləcə də zehni və fiziki inkişafında fiziki və başqa qüsurları olan uşaqlar üçün internat məktəblərinin saxlanılması xərcləri aid edilir.

6-cı «Xüsusi məktəblər» paraqrafına xüsusi tərbiyə edilmə şəraitinə ehtiyacı olan uşaqlar üçün nəzərdə tutulmuş xüsusi məktəblərin saxlanılması xərcləri aid edilir.

7-ci «Texniki-peşə məktəbləri və litseyləri» paraqrafına texniki-peşə məktəbləri və litseylərinin saxlanılması xərcləri aid edilir.

8-ci «Xüsusi texniki-peşə məktəbləri və litseyləri» paraqrafına həddi-büluğa çatmamış uşaqlar üçün tərbiyə koloniyaları əsasında təşkil edilmiş və şagirdlərin maddi təminatı müəyyən olunmuş normalar üzrə aparılan xüsusi texniki-peşə məktəbləri və litseyləri, eləcə də Respublika Daxili İşlər Nazirliyinin islah-əmək müəssisələrinin bazasında yaradılan texniki-peşə məktəbləri və litseylərinin inzibati və müəllim (ustaları daxil etməklə) heyətinin saxlanılması və başqa tədris xərcləri aid edilir.

9-cu «Orta ixtisas təhsili müəssisələri» paraqrafına texnikum, pedaqoji, musiqi, xoreoqrafiya, rəssamlıq, tibb, olimpiya ehtiyatı və sair məktəblər üzrə xərclər aid edilir.

10-cu «Ali təhsil müəssisələri» paraqrafına ali məktəblərin nəzdində fəaliyyət göstərən aspirantura və doktorantura, eləcə də kafedraların elmi işləri ilə bağlı xərcləri daxil etməklə ali məktəblərin xərcləri aid edilir.

Ali məktəblərin tabeliyində olan müstəqil elmi-tədqiqat müəssisələri üzrə xərclər 4-cü köməkçi bölmənin 1-ci paraqrafına aid edilir.

11-ci «Kurs tədbirləri və ixtisasartırma institutları» paraqrafına bütün ixtisaslar üzrə kadrların hazırlanması, yenidən hazırlanması və ixtisasartırma kursları üzrə, eləcə də mütəxəssislərin təkmilləşdirmə institutlarının saxlanılması xərcləri aid edilir.

12-ci «Kadrlar hazırlığı üzrə sair tədris müəssisələri» paraqrafına fəhlə və kütləvi peşələrdən olan başqa kadrların hazırlığı və yenidən hazırlığı üzrə nazirlik və baş idarələrin (Təhsil Nazirliyi sisteminə aid olmayanlar) məktəb (texniki-peşə məktbləri və litseyləri), tədris-kurs kombinatlarının, tədris mərkəzlərinin saxlanılması xərcləri aid edilir.

13-cü «Uşaqlar ilə məktəbdənkənar işlər üzrə müəssisələr və tədbirlər» paraqrafına uşaq saray və yaradıcılıq mərkəzlərinin, gənc təbiətçilr stansiyalarının, gənc texniklər stansiyalarının, idman məktəblərinin, gənc turistlər stansiyalarının, idman yeddiillik musiqi məktəblərinin, su stansiyalarının, uşaqların bədən tərbiyəsi evlərinin, uşaqlarla məktəbdənkənar işlər üzrə başqa idarələrin saxlanılması və bu cür tədbirlərin həyata keçirilməsi, idman yarışları və başqa bədən tərbiyəsi üzrə tədbirlərin, bədii olimpiadaları, məktəb yaşlı uşaqlar üçün məktəb meydançaları, uşaq bədii özfəaliyyəti və i.a. üçün xərclər aid edilir.

14-cü «Metodiki iş, texniki təbliğat, təhsil üzrə sair müəssisələr və tədbirlər» paraqrafına metodiki kabinetlərin, filmotekaların, loqoped məntəqələrinin, şagirdlərin əmək təlimi və peşəyönümü üzrə məktəblərarası tədris-istehsalat kombinatlarının, təhsil işçiləri evlərinin saxlanılması, müəllimlərin və uşaq müəssisələri və məktəbdənkənar uşaq idarələri işçilərinin konfrans və müşavirələrinin keçirilməsi, hamilik və qəyyumluq edilən uşaqlara pul müavinətlərinin ödənilməsi xərcləri aid edilir.

Bu paraqrafa aşağıdakı xərclər də aid edilir: məktəbə (iş yerinə) getmək üçün müəllimlərə yol xərclərinin ödənilməsi, müəllimlərin elmi ezamiyyələri, nümunəvi layihələşdirmə, məktəblərin inventarlaşdırılması və pasportlaşdırılması, eləcə də müəllimlərin əmək haqqının poçtla göndərilməsi xərcləri, texniki təbliğat və kadr hazırlığı üzrə kinofilmlərin çəkilişi və sair tədbirlər üzrə xərclər.

15-ci «Uşaq evləri» paraqrafına məktəb yaşlı və məktəbəqədər uşaqlar üçün uşaq evləri, xüsusi və ailə tipli uşaq evləri üçün xərclər aid edilir. Bu paraqrafa uşaq evlərindən buraxılan şagirdlər üçün müavinətlərin verilməsi, uşaq evlərində tərbiyə alan şagirdlər üçün sağlamlıq tədbirlərinin aparılması xərcləri də daxil edilir.

16-cı «Ümumtəhsil fondu» paraqrafına ibtidai, əsas və orta təhsil məktəblərində ümumtəhsil fondu hesabına ödənilən xərclər daxil edilir.

17-ci «Mərkəzləşdirilmiş mühasibatlıqların saxlanılması» paraqrafına təhsil şöbələri (idarələri), icra nümayəndəlikləri nəzdində fəaliyyət göstərən mərkəzləşdirilmiş mühasibatlıqların saxlanılması xərcləri aid edilir.

18-ci «Mərkəzləşdirilmiş təsərrüfat xidməti qrupunun saxlanılması» paraqrafına təhsil şöbələri (idarələri) nəzdində fəaliyyət göstərən mərkəzləşdirilmiş təsərrüfat xidməti üzrə qrupların xərcləri aid edilir.

5-ci bölməyə aid edilən xərclər üzrə

Səhiyyə

1-ci «Xəstəxanalar» paraqrafına aşağıdakı xərclər aid edilir: xəstəxanalar və onların tərkibinə daxil olan struktur bölmələri, çarpayı şəbəkəsi olan mərkəzlər və dispanserlər, süd mətbəxləri, balneoloji müalicə ocaqları, sanitar aviasiyası stansiyaları, müharibə əlilləri üçün qospitallar, ali məktəblər, elmi-tədqiqat institutları və həkimlərin təkmilləşdirilməsi institutu nəzdində olan klinikalar, leprozoriyaların, su nəqliyyatında gəmi həkimlərinin və tibbi-sanitar hissələrinin saxlanılması xərcləri.

2-ci «Poliklinikalar və ambulatoriyalar» paraqrafına şəhər, qəsəbə və kənd yerlərində müstəqil poliklinikalar, çarpayısı olmayan ambulatoriya, diaqnostika mərkəzləri və dispanserlərinin saxlanılması xərcləri aid edilir.

3-cü «Feldşer-mama məntəqələri» paraqrafına şəhər, qəsəbə və kəndlərdə yerləşən feldşer-mama məntəqələrinin saxlanılması xərcləri aid edilir.

4-cü «Təcili və təxirəsalınmaz tibbi yardım stansiyaları» paraqrafına yalnız müstəqil təcili və təxirəsalınmaz tibbi yardım stansiyalarının saxlanılması xərcləri aid edilir.

5-ci «Qanköçürmə stansiyaları» paraqrafına yalnız müstəqil qanköçürmə stansiyalarının saxlanılması xərcləri aid edilir.

6-cı «Vərəm xəstələri üçün sanatoriyalar» paraqrafına 1-ci paraqrafda əks etdirilən vərəm sanatoriya-profilaktoriyalarının saxlanılması xərcləri istisna olmaqla vərəm xəstəliyi olan böyüklər, yeniyetmələr və uşaqlar üçün sanatoriyaların saxlanılması xərcləri aid edilir.

7-ci «Uşaqlar və yeniyetmələr (vərəmli olmayan) üçün sanatoriyalar» paraqrafına uşaqlar və yeniyetmələr (vərəmli olmayan) üçün sanatoriyaların, eləcə də uşaqlı valideynlər üçün sanatoriyaların saxlanılması xərcləri aid edilir.

8-ci «Sanitar-epidemioloji stansiyalar» paraqrafına sanitar-epidemioloji stansiyaların, sanitar-dezinfeksiya qatarlarının və taun əleyhinə stansiyaların, respublikanın gigiyena və epidemiologiya mərkəzlərinin saxlanılması xərcləri aid edilir.

9-cu «Dezinfeksiya stansiyaları» paraqrafına müstəqil dezinfeksiya stansiyalarının və nəqliyyatda müstəqil izolyasiya-buraxılış məntəqələrinin saxlanılması xərcləri aid edilir.

10-cu «Epidemiyalara qarşı mübarizə tədbirləri» paraqrafına aşağıdakı xərclər aid edilir: müvəqqəti infeksiya çarpayılarının yerləşdirilməsi və saxlanılması, müvəqqəti epidemiya əleyhinə dəstələrin təşkili və saxlanılması, infeksiya xəstəliklərinin mənbələrində müvəqqəti səyyar hamam-dezinfeksiya qurğularının və izolyasiya məntəqələrinin təşkili və saxlanılması, respublikanın səhiyyə orqanları tərəfindən infeksiya mənbələrinə epidemiyalar ilə mübarizə üçün göndərilən tibbi heyətin ezamiyyə xərclərinin ödənilməsi.

12-ci «Körpə evləri» paraqrafına körpələr evləri, eləcə də vağzallarda, limanlarda, dəmir yolu stansiyaları nəzdində, su, hava və avtomobil nəqliyyatında olan ana və uşaq otaqlarının saxlanılması xərcləri aid edilir.

13-cü «Səhiyyə üzrə sair idarə və tədbirlər» paraqrafına aşağıdakı xərclər aid edilir: xəstələrin müalicə üçün başqa şəhərlərə göndərilməsi: kolxoz doğum evlərinin mama həkimlərinin saxlanılması, protezləşdirmə (dişi də daxil etməklə), uşaqlara tibbi qulluq etmə, uşaqların və səhiyyə məntəqələrinin pasportlaşdırılması, səhiyyə hesabat blanklarının mərkəzləşdirilmiş ödənişi, hesablama mərkəzlərinin saxlanılması, tibbi heyətin yerinin dəyişdirilməsi, tibbi konfransların və qurultayların keçirilməsi, dəmir yolu nəqliyyatında sərnişin qatarlarını müşayiət edən daimi tibbi heyətin, tibbi statistika bürosunun saxlanılması, müharibə əlillərinə xidmət göstərilməsi üzrə tədbirlər, patoloji-anatomiya bürosu və tibbi-məhkəmə ekspertiza bürosunun saxlanılması, SPİD ilə mübarizə və informatika mərkəzlərinin saxlanılması, hökumətin ayrı-ayrı qərarları əsasında tədbirlərin mərkəzi qaydada ödənilməsi.

6-cı bölmənin 1-ci köməkçi bölməsinə aid edilən xərclər üzrə

Sosial müdafiə

1-ci «Uşaqlı ailələrə dövlət müavinətləri» paraqrafına uşaq doğularkən verilən birdəfəlik müavinət, uşaqlı ailələrin 16 yaşına çatmamış (təqaüd almayan məktəblilər 18 yaşınadək) uşaqlarına ödənilən aylıq müavinətlər daxil edilir.

4-cü «Sair müavinətlər və kompensasiyalar» paraqrafına müharibə əlilləri, iştirakçıları və sair vətəndaşlara müavinətlər, dəfn üçün müavinət və digər müavinətlər və kompensasiyalar daxil edilir.

5-ci «Çernobıl AES-də baş vermiş qəzanın nəticələrinin aradan qaldırılması iştirakçılarına müavinətlərin ödənilməsi» paraqrafında əks etdirilir: Çernobıl AES-də baş vermiş qəzanın nəticələrinin aradan qaldırılması iştirakçılarına müavinətlərin ödənilməsi, onlara mənzil-kommunal təsərrüfatı üzrə güzəştlərin verilməsi, tibbi xidmət göstərilməsi, onların uşaqlarının məktəbəqədər müəssisələrdə saxlanılması və sairlə bağlı xərclərin ödənilməsi.

6-cı «İşsizliyə görə müavinətlər» paraqrafına işsiz əhaliyə müavinətlərin ödənilməsi, işsiz vətəndaşların peşə hazırlığı, ixtisasın artırılması və yenidən hazırlığı üzrə ödənişlər, ictimai işlərə cəlb olunmuş işsiz vətəndaşlara ödənişlər, yeni iş yerlərinin yaradılmasına sərf olunan vəsaitlər və işsizliklə bağlı sair xərclər daxil edilir.

6-cı bölmənin 2-ci köməkçi bölməsinə aid edilən xərclər üzrə

Sosial təminat

1-ci «Qocalar üçün internat evləri» paraqrafına qocalar üçün internat evlərinin və büdcədən maliyyələşdirilən pullu pansionatların saxlanılması xərcləri aid edilir.

5-ci «Sosial təminat üzrə sair idarə və tədbirlər» paraqrafına mürəkkəb protezləşdirmə stansiyaları, əlillərin sağlamlığının bərpa olunması üzrə respublika mərkəzi, daimi fəaliyyət göstərən sosial təminat işçilərinin ixtisasartırma kursları, sosial təminat orqanlarında əməyin təşkili və nəzarət işlərinin mexanikləşdirilməsi və avtomatlaşdırılması üzrə respublika mərkəzi, əmək şəraitinin ekspertiza xidməti idarələri və şöbələri, müharibə və əmək veteranlarına sanitar-kurort köməyi xərcləri aid edilir.

7-ci bölmənin 1-ci köməkçi bölməsinə aid edilən xərclər üzrə

Mədəniyyət və incəsənət

1-ci «Kitabxanalar» paraqrafına elmi kitabxanaların saxlanılması xərclərindən başqa, digər kitabxanaların maliyyələşdirilməsinə yönəldilən xərclər aid edilir.

2-ci «Muzeylər və sərgilər» paraqrafına muzey və daimi sərgilərin saxlanılması, eləcə də tarix və mədəniyyət abidələrinin qorunması və bərpası üzrə xərclər aid edilir.

4-cü «Sair mədəni-maarif müəssisələri və tədbirləri» paraqrafına ekskursiya bürolarının, xalq yaradıcılıq evlərinin, mədəniyyət və istirahət parklarının, səyyar klubların, avtoklubların, xalq teatrlarının, özfəaliyyət musiqi kollektivlərinin, müxtəlif növ metodiki işin (metodiki kabinələri daxil etməklə) aparılması, sənədlər hazırlanması, habelə mədəni-maarif işçilərinin müşavirələrinin keçirilməsi, mədəni-maarif işləri üzrə mərkəzləşdirilmiş tədbirlərin xərcləri aid edilir.

5-ci «Teatr, filarmoniya, musiqi kollektivləri, ansamblları və incəsənət üzrə sair tədbirlər» paraqrafına teatr-tamaşa müəssisələrinin bina və qurğularının əsaslı təmiri, istismar fəaliyyətinin maliyyələşdirilməsi xərcləri, dram və musiqi əsərlərinin alınması, müsabiqə və sərgilərin keçirilməsi, təsviri sənət əsərlərinin dövlət sifarişi, bədii qiymətlilərin alınması və incəsənət sahəsində sair tədbirlərlə bağlı xərclər, eləcə də bəstəkarlar ittifaqının və bu kimi sair musiqi kollektivlərinin və ansambllarının saxlanılmasına büdcədən ayrılan xərclər aid edilir.

7-ci bölmənin 4-cü köməkçi bölməsinə aid edilən xərclər üzrə

Digər kateqoriyalara aid edilməyən sahədə fəaliyyət və din tədbirləri

1-ci «Yaradıcı ittifaqlar» paraqrafına yazıçılar ittifaqı və başqa yaradıcı ittifaqlar üçün büdcədən verilən xərclər daxil edilir.

3-cü «Sair idarə və tədbirlər» paraqrafına səadət sarayları və evlərinin, nigah evlərinin saxlanılması və digər kateqoriyalara aid edilməyən sahədə fəaliyyətlə bağlı başqa idarə və tədbirlərin xərcləri aid edilir.

8-ci bölməyə aid edilən xərclər üzrə

Mənzil-kommunal təsərrüfatı

3-cü «Mənzil-kommunal təsərrüfatı müəssisələri kombinatları» paraqrafına mənzil-kommunal təsərrüfatı müəssisələri kombinatlarının (elektrik stansiyaları, elektrik şəbəkəsi, kanalizasiya, hamam, camaşırxana, mehmanxana və sair), eləcə də mənzil-kommunal təsərrüfatı rayon istehsalat birliklərinin xərcləri aid edilir.

Göstərilən təşkilatlar abadlıq işləri ilə məşğuldurlarsa, onda bu tədbirlərlə bağlı xərclər müvafiq paraqraflara (13 və 14) aid edilir.

13-cü «Şəhərlərin abadlaşdırılması» və 14-cü «Şəhər tipli qəsəbələrin və başqa yaşayış məntəqələrinin abadlaşdırılması» paraqraflarına şəhərlərin, qəsəbələrin və başqa yaşayış məntəqələrinin yol-körpü təsərrüfatının saxlanılması, işıqlaşdırılması, yaşıllaşdırılması, təmizlənməsi və abadlaşdırma üzrə sair xərclər aid edilir.

Bundan başqa bu paraqraflara şəhərlərdə və başqa yaşayış məntəqələrində yol hərəkətini tənzimləyən texniki qurğuların layihələşdirilməsi, hazırlanması (alınması), quraşdırılması, istismarı və təmiri ilə bağlı xərclər də aid edilir; bu vəsaitlərin 13 və 14-cü paraqraflar üzrə planlaşdırılması və xərclənməsi yalnız ixtisaslaşdırılmış quraşdırma-istismar bölmələri olmadıqda aparılır.

10-cu bölmənin 1-ci köməkçi bölməsinə aid edilən xərclər üzrə

Kənd təsərrüfatı

1.2-ci «Kənd təsərrüfatı ziyanvericilərinə qarşı mübarizə idarə və tədbirləri» paraqrafına respublika bitki mühafizə stansiyalarının, respublika texniki nəzarət toksikoloji laboratoriyasının, pestisidlərin qeydiyyatı və sınağının, bitki mühafizə laboratoriyalarının, rayonlardakı bitki mühafizə stansiyalarının saxlanılması, habelə kənd təsərrüfatı ziyanvericilərinə qarşı mübarizə tədbirlərinin xərcləri aid edilir.

1.3-cü «Dövlət toxumçuluq müfəttişlikləri» paraqrafına respublika dövlət toxum müfəttişliklərinin, rayonlardakı dövlət toxum müfəttişliklərinin saxlanılması xərcləri aid edilir.

1.6-cı «Kənd təsərrüfatı üzrə sair idarə və tədbirlər» paraqrafına əməyin təşkilinin layihə və tətbiqi mərkəzinin, əmtəə-ekspertiza bürosunun, Azərbaycan Dövlət Maşın Sınaq stansiyasının, Lənkəran Dövlət Maşın Sınaq stansiyasının, respublika pambıq toxumu stansiyası, pambıq epit təsərrüfatları və toxum nəzarəti laboratoriyalarının, kənd təsərrüfatı bitkiləri üzrə sort sınaq Dövlət komissiyasının saxlanılması, layihə-axtarış və aqrokimya işlərinin xərcləri daxil edilir.

5.1-ci «Baytarlıq laboratoriyaları» paraqrafına respublika baytarlıq laboratoriyasının, zona baytarlıq laboratoriyalarının, rayon, şəhər baytarlıq laboratoriyalarının, rayon, şəhər baytar-sanitar ekspertiza laboratoriyalarının saxlanılması xərcləri aid edilir.

5.2-ci «Baytarlıq idarələri» paraqrafına dəmir yolunda baytarlıq nəzarəti idarəsinin, sərhəd baytar nəzarəti məntəqələrinin, rayon, şəhər baytarlıq idarələrinin, baytarlıq sahələrinin saxlanılması xərcləri daxil edilir.

5.3-cü «Epizootiyaya qarşı tədbirlər» paraqrafına epizootiya qrupunun, epizootiya əleyhinə respublika ekspedisiyasının saxlanılması, habelə epizootiya əleyhinə tədbirlərin xərcləri aid edilir.

5.4-cü «Baytarlıq xidmətləri üzrə sair idarə və tədbirlər» paraqrafına brusselyoz və vərəmə qarşı ekspedisiyanın, emal müəssisələrində baytarlıq xidmətinin xərcləri aid edilir.

Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 8 nömrəli əlavə

Azərbaycan Respublikası dövlət büdcəsi xərclərinin iqtisadi təsnifatının tətbiqi üzrə göstərişlər

1-ci «Əməyin ödənişi, malların alınması və xidmətlərin haqqının ödənilməsi» maddəsinin 1.1-ci «Əməyin ödənişi fondu» köməkçi maddəsinə aşağıdakı xərclər aid edilir:

1.1.1-ci «Ştatda olan işçilərin əmək haqqı» yarımmaddəsinə:

a) bütün ştat işçilərinə müəyyən edilmiş vəzifə maaşı:

• dərəcələri və qiymətləndirilməsi üzrə verilən əmək haqqının ödənilməsi;
• müəllimlərin işlərinin saathesabı ödənilməsi;

b) işçilərin vəzifə maaşına əlavələr;

• uzun müddət xidmətə görə ödəniş;
• respublika direktiv orqanlarının müvafiq qərarlarına (sərəncamlarına) əsasən verilən əlavələr;
• fərdi və vəzifə maaşları arasındakı fərqin ödənilməsi;
• Respublika Elmlər Akademiyasının həqiqi üzvü və müxbir üzvü adları üçün ödənişlər;

v) işçilərə əlavə iş üçün ödənişlər:

• təhsil müəssisələri müəllimlərinin əlavə iş üçün ödənişlərinin bütün növləri—təhsil kabinetləri və laboratoriyalarına rəhbərlik edilməsi üçün, sinif rəhbəri vəzifəsinin yerinə yetirilməsi üçün, şagirdlərin yazı işlərinin yoxlanılması üçün və sairə;
• müalicə təşkilatlarında məsləhətçilərin haqqının ödənilməsi;
• sair əlavə işlərə görə ödənişlər;

q) elmi dərəcə və fəxri adlara gör əlavə ödənişlər:

• yüksək dağ yerlərində xidmətə görə əlavə ödənişlər;
• xüsusi şəraitdə xidmətə görə əlavə ödənişlər;
• zərərli iş şəraitinə görə əlavə ödənişlər;
• normallaşdırılmamış iş gününə görə əlavə ödənişlər;
• fasiləsiz xidmətə görə birdəfəlik pul mükafatı;
• xarici dili bilmək və onu gündəlik praktiki işdə tətbiq etməyə görə əlavə ödənişlər;
• sürücülərin dərəcələrinə görə əlavə ödənişlər.

1.1.2-ci «Ştatdankənar işçilərin əmək haqqı» yarımmaddəsinə:

• təşkilatın ştatında olmayan və müqavilə əsasında işlərin yerinə yetirilməsi üçün cəlb olunan şəxslərin əməyinin ödənilməsi;

1.1.3-cü «Əmyin ödənilməsi ilə bağlı sair pul ödənişləri» yarımmaddəsinə:

• qanunvericilik, icra və məhkəmə hakimiyyətləri, hüquq-mühafizə, yerli özünüidarəetmə orqanlarının işçilərinə verilən mükafatlar, maddi yardımlar və yuxarıda göstərilən ödənişlərə aid edilməyən əməyin ödənilməsinin sair növləri.

1.2-ci «Əmək haqqına üstəlik» köməkçi maddəsinə aid edilir:

• müəyyən edilmiş normativə əsasən işçi və qulluqçuların əmək haqqına üstəlik şəklində hesablanan məbləğin Azərbaycan Respublikası Dövlət Sosial Müdafiə Fonduna verilən hissəsi;
• xəstəlik vərəqələrinə, hamiləlik, doğuma görə verilən hissəsi və s.

1.3-cü «Malların alınması və xidmətlərin haqqının ödənilməsi» köməkçi maddəsinin

1.3.1-ci «Dəftərxana ləvazimatı, cari təsərrüfat məqsədləri üçün mal və materiallar alınması» yarımmaddəsinə bu xərclər aid edilir:

• dəftərxana xərcləri: 1.3.15-ci yarımmaddəyə aid edilənlərdən başqa dəftərxana, rəsmxətt və yazı ləvazimatı və materialları alınması, mühasibat, statistika kargüzarlıq kitablarının, blank və cədvəllərin hazırlanması və alınması; sənədlərin cilidlənməsi və tikilməsi, mətbəə və nəşr xərcləri; uçotun mexanikləşdirilməsi üzrə xidmətlərin ödənilməsi; büdcə təşkilatları və mərkəzləşdirilmiş mühasibatlıqlar üçün hesablama mərkəzləri və maşın hesablama stansiyaları tərəfindən yerinə yetirilən işlərin ödənilməsi, sair dəftərxana xərcləri;
• idarədənkənar mühafizə xərcləri;
• stasionar kitabxanalar, mədəniyyət evləri, klub, məktəb, xəstəxanalar və sair sosial-mədəni idarələr tərəfindən alınanları çıxmaq şərti ilə məlumat və dövrü ədəbiyyatın alınması xərcləri (1.3.15-ci yarımmaddəyə bax);
• təsərrüfat xərcləri: gəmiricilərin və müxtəlif həşəratların dezinfeksiyası və məhv edilməsi: 1.3.3 və 1.3.13-cü yarımmaddələrə aid edilənlərdən başqa təsərrüfat məqsədi ilə istifadə edilən material və əşyaların alınması (karniz, xəkəndaz, qıf, bıçaq, ölçü parçaları və lentləri, qrafinlər, ayaqaltılar, sabun, soda, yuyucu toz və sair məişət əşyalarının və mallarının alınması); təsərrüfat təyinatlı qiymətindən asılı olmayaraq bir ildən az istifadə olunan tez xarab olan əşyaların alınması; sosial-mədəni idarələr tərəfindən xidmət edilən kontingentlərə göstərilən sanitar-gigiyena xidməti, müşavirə və konfransların keçirilməsi ilə bağlı təsərrüfat xərcləri, müxtəlif cür başqa təsərrüfat xərcləri;
• müalicə-profilaktika və müalicə baytarlıq idarələrindən başqa digər idarələr üçün dərman və sarğı materialları alınması;
• respublika hökumətinin müvafiq qərarlarına əsasən təhsil, səhiyyə, mədəniyyət və s. büdcə idarələri işçilərinə pulsuz verilən mənzil haqqının ödnilməsi (ayrıca sətirdə göstərilməklə).

1.3.2-ci «Dərman və sarğı ləvazimatları alınması» yarımmaddəsinə aşağıdakı xərclər aiddir:

• müalicə-profilaktika və müalicə baytarlıq idarələri üçün dərmanların, bakterioloji preparatların və sarğı materiallarının alınması (digər idarələr üçün xərclər 1.3.1-ci yarımmaddəyə aid edilir);
• bu idarələr üçün mineral suların, zərdabların, vaksinaların, vitaminlərin, dezinfeksiya vasitələrinin və s. alınması;
• rentgen çəkilişi üçün plyonkaların, müayinələrin aparılması üçün materialların alınması və digər idarələrdə (öz laboratoriyası olmadığı halda) aparılan müayinələrlə bağlı xərclərin ödənilməsi;
• yemək xərcini daxil etməklə donorlarla bağlı ödəmələr;
• köçürmə üçün qanın alınması;
• kiçik tibb alətləri—pinset, lanset, termometr, şpris, iynə və s. əlavə olunması.

1.3.3-cü «Yumşaq inventar və paltarların alınması, təmiri xərclərinin ödənilməsi» yarımmaddəsinə paltarların, ayaqqabıların, geyim paltarlarının və çarpayı ləvazimatının, xüsusi (müdafiə) geyiminin alınması, hazırlanması, təmiri xərcləri, büdcə təşkilatlarının pəncərə üçün pərdə alınması xərcləri, müdafiə, məhkəmə hakimiyyəti, hüquq-mühafizə, təhlükəsizlik orqanlarında, prokurorluq və qanunvericilikdə nəzərdə tutulmuş digər mülki orqanlarda qulluq edən zabitlər, gizirlər, hərbçi qadınlar və digər işçilər üçün əşya əmlakı əvəzinə verilən pul kompensasiyası aid edilir.

1.3.4-cü «Ərzaq məhsulları alınması» yarımmaddəsinə müalicə-profilaktika müəssisələrində, uşaq evlərində, məktəbəqədər uşaq müəssisərində, texniki-peşə məktəblərində və litseylərində, xüsusi-peşə məktəblərində və litseylərində, internat məktəblərində, günü uzadılmış məktəblərdə, qocalar və əlillər üçün internat evlərində, müdafiə və hüquq-mühafizə orqanlarının əməkdaşlarının, həbs olunmuş şəxslərin (məhbusların) yemək xərcləri aid edilir.

Məktəb və texniki-peşə məktəblərində və litseylərində şagirdlərin, ali və orta ixtisas təhsili müəssisələrində tələbələrin, aspirantların və büdcə idarələri işçilərinin yeməklərinə olan qiymətlərin bahalaşmasının qismən kompensasiyası ilə bağlı əlavə xərclərin ödənilməsi üzrə xərclər də bu maddəyə daxil edilir.

Bu maddəyə respublika hökumətinin qərarlarına müvafiq olaraq zərərli əmək şəraitində işləyənlərə xüsusi qidalanma xərcləri də aid edilir.

1.3.5-ci «Ezamiyyələr və xidməti səfərlər, işçilərə kompensasiya ödənişləri» yarımmaddəsinə ezamiyyələr və xidməti səfərlər zamanı gediş, gündəlik və mənzil xərcləri, kompensasiya ödənişləri, işçilərin hərəkəti zamanı gündəlik və gediş xərcləri, xidməti səfərlər, kurslara və təhsil müəssisələrinə, sessiyalara, müşavirə və konfranslara ezamiyyələr üzrə xərclərin ödənilməsi aid edilir.

1.3.6-cı «Nəqliyyat xidmətləri haqqının ödənilməsi» yarımmaddəsi üzrə:

• 1.3.6.1-ci «Yanacaq və sürtgü materiallarının alınması yarımmaddəsinə təşkilatlara məxsus olan və kənardan cəlb edilmiş nəqliyyat vasitələri üçün yanacaq və sürtgü materiallarının alınması xərcləri aiddir.
• 1.3.6.2-ci «Sair nəqliyyat xidmətləri haqqının ödənilməsi» yarımmaddəsinə ehtiyat hissələrinin alınması və cari təmiri, texniki baxışdan keçirilməsi ilə bağlı xərclər, nəqliyyat vasitələrinin icarə haqqlarının ödənilməsi xərcləri aiddir.

1.3.7-ci «Rabitə xidmətləri haqqının ödənilməsi» yarımmaddəsinə telefon və şəhərlərarası danışıqlar üçün abonent haqqlarının, bütün növ poçt göndərişləri, o cümlədən teleqram, radioqram, pul göndərişləri və s. haqqlarının ödənilməsi xərcləri daxil edilir.

1.3.8-ci «Kommunal xidmətləri haqqının ödənilməsi» yarımmaddəsinə bütün növ kommunal xidmətləri (isitmə, qızdırıcı, su, qaz, elektrik enerjisi, kanalizasiya və s.), habelə respublika hökumətinin müvafiq qərarlarına əsasən təhsil, səhiyyə, mədəniyyət və s. büdcə idarələri işçilərinə pulsuz verilən kommunal xidmətləri haqqlarının (ayrıca sətirdə göstərilməklə) ödənilməsi xərcləri aid edilir.

1.3.9-cu «Geoloji-kəşfiyyat və topoqrafiya-geodeziya axtarış xidmətləri haqqının ödənilməsi» yarımmaddəsinə geoloji-axtarış xidmətləri üzrə təsərrüfat, geoloji-kəşfiyyat işlərinə və ümumdövlət topoqrafiya-geodeziya işlərinə sərf edilən məsrəflər aid edilir.

1.3.10-cu «Layihələndirmə üzrə xidmətlərin haqqının ödənilməsi» yarımmaddəsinə nümunəvi layihələşdirməyə, habelə tikintidə yeni texnikanın tətbiq edilməsi ilə əlaqədar tədqiqat layihələşdirmə eksperiment işlərinə, iqtisadiyyat sahələrinin inkişafı və yerləşdirilməsi üzrə sxem və digər materialların tərtib edilməsinə, normativ metodiki sənədlərin hazırlanması xərcləri və sair obyektlərin proqnozlaşdırılması və tikilməsi ilə əlaqədar məsrəflər aid edilir.

1.3.11-ci «Abadlaşdırma xidmətləri haqqının ödənilməsi» yarımmaddəsinə şəhərlərin, qəsəbələrin, həyətyanı sahələrin və başqa yaşayış məntəqələrinin yol-körpü təsərrüfatının saxlanılması, işıqlandırılması, yaşıllaşdırılması, təmizlənməsi və abadlaşdırma üzrə sair xərclər aid edilir.

Bundan başqa bu maddəyə şəhərlərdə və başqa yaşayış məntəqələrində yol hərəkətini tənzimləyən texniki qurğuların layihələşdirilməsi, hazırlanması (alınması), quraşdırılması, istismarı və təmiri ilə bağlı xərclər də aid edilir; bu vəsaitlərin bu maddə üzrə planlaşdırılması və xərclənməsi yalnız ixtisaslaşdırılmış quraşdırma istismar bölmələri olmadıqda aparılır.

1.3.11-ci maddəyə həmçinin abadlaşdırma avadanlıqlarının saxlanılması üçün cari xərclər, habelə kommunal təsərrüfatı təşkilatlarının işıqlandırılması, təmizlənməsi, küçə və meydanların sulanması, su qurğularının saxlanılması, onların təmizlənməsi, cari təmiri və sairə üzrə hesabların ödənilməsi xərcləri də aid edilir.

1.3.12-ci «Elmi-tədqiqat təşkilatlarının göstərdiyi xidmətlərin haqqının ödənilməsi» yarımmaddəsinə bu təşkilatların göstərdiyi elmi-tədqiqat xidmətləri ilə bağlı xərclər daxildir.

1.3.13-cü «İnventar və avadanlığın alınması, təmiri xərclərinin ödənilməsi» yarımmaddəsinə aşağıdakı xərclər aiddir:

• məktəb və sair təhsil müəssisələrinin laboratoriyaları və kabinetləri üçün təhsil avadanlığının, elmi-tədqiqat müəssisələrində, tədris ocaqlarında və uşaq müəssisələrində təhsil və elmi məqsədlər üçün tibb və baytarlıq avadanlıqları və alətləri, aparat, cihaz, maşın, dəzgah və sair xüsusi avadanlıqların, layihə-axtarış işlərinin həyata keçirilməsi üçün lazım olan cihazların, geodeziya alətlərinin, qazma avadanlıqları və alətlərinin, xüsusi rəsmxətt stollarının və başqa istehsalat avadanlıqlarının, muzeylər və sərgilər üçün idman avadanlıqları, eksponatlar və məktəblərdə hərbi hazırlıq işlərinə aid inventar və ləvazimatların alınması;
• müalicə-profilaktika müəssisələri üçün stolların, şkafların, stulların və sair dəftərxana mebellərinin, paltar asılqanlarının, divar saatlarının və başqa mebellərin və çarpayıların alınması; laboratoriya, muzey və kitabxanalar üçün xüsusi mebellərin, partaların, kitab şkaflarının və başqa sinif mebellərinin təsərrüfat və texniki alətlərin, mətbəx və yeməkxana ləvazimatlarının, qızdırıcıların, bufet avadanlığı əşyaları və sairə təsərrüfat inventarlarının, hesablama cihazlarının, yazı makinalarının alınması; yanğınsöndürən avadanlıqların alınması;
• mədəniyyət evlərində qoyulan tamaşalarda istifadə olunan dekorasiyalar üçün materialların, kostyumların, pariklərin və sairlərin alınması;
• yeni yaradılan və genişləndirilən müəssisələr üçün ilk dəfə alınan eyni təyinatlı azqiymətli əşyaların (mətbəx qab-qacağı və sairə) alınması xərcləri;
• avadanlıqların və ləvazimatların quraşdırılması xərcləri;
• bu yarımmaddədə adları çəkilməyən dövlət hakimiyyəti və icra orqanları və xarici ölkələrdə fəaliyyət göstərən səfirlik, konsulluq və nümayəndəliklər üçün inventar və avadanlıqların alınması və təmiri xərcləri;
• silah, hərbi sursat və arttexniki əmlakın, hərbi gəmilərin alınması və saxlanılması;
• xidməti heyvanların alınması və saxlanılması.

Bu maddəyə həmçinin inventar və avadanlıqların təmiri xərcləri də aid edilir.

1.3.14-cü «Binaların cari təmiri xərclərinin ödənilməsi» yarımmaddəsinə təşkilatların özlərinə məxsus və ya icarəyə götürdükləri binaların, tikililərin və mühəndis qurğularının cari təmiri və bununla əlaqədar təmir-tikinti materiallarının alınması xərcləri aiddir.

1.3.15-ci «Sair cari xərclər» yarımmaddəsinə aşağıdakı xərclər daxil edilir:

• təhsil müəssisələrində bədən tərbiyəsi tədbirlərinin və kütləvi müdafiə işlərinin aparılması;
• incəsənət üzrə müvəqqəti sərgilərin təşkili;
• sanitar aviasiyasının uçuş saatlarının ödənilməsi;
• televiziya və radio verilişləri üzrə (xüsusi kino çəkilişi, texniki rabitə vasitələrinin istismarı, xidmətlərin ödənilməsi üzrə) əməliyyat xərcləri;
• çoxuşaqlı və aztəminatlı ailələrdə süni yedirtməyə və uşaqlar üçün pulsuz süd məmulatları buraxılması;
• ali və orta ixtisas təhsili idarələrini bitirən gənc mütəxəssislərin məktəbə, mədəniyyət və tibbi idarələrə işə göndərilməsi il bağlı gündəlik və yol xərclərinin ödənilməsi;
• şagirdlərə fərdi fərmanların, medalların, eləcə də idman yarışları iştirakçılarına mükafatların verilməsi;
• xəstələrin digər yerlərə müalicəyə göndərilməsi;
• protezləşdirmə;
• uşaqlara, əlillərə və ruhi xəstələrə himayəlik;
• şahidlərin çağırılması, ekspertlərin və tərcüməçilərin xidmətlərinin ödənilməsi;
• müxtəlif mükafatlandırma nişanlarının hazırlanması;
• respublika hökumətinin müəyyən etdiyi həcmdə işçilərin sosial-məişət xidmətinin yaxşılaşdırılması;
• seçkilərin keçirilməsi ilə bağlı xərclər;
• respublika əhalisinin siyahıya alınmasının və statistik tədqiqatların aparılması;
• respublika hökumətinin müəyyən etdiyi qaydada tamaşa müəssisələrinə dotasiyaların verilməsi;
• respublika Mədəniyyət Nazirliyinin orqanları tərəfindən dramatik, musiqi və bədii əsərlərin alınması (sifarişi);
• xarici ölkələrlə mədəni əlaqələr və xarici qonaqların qəbulu üzrə tədbirlər;
• büst və heykəl modellərinin layihələşdirilməsi və hazırlanması;
• qəzet redaksiyaları və nəşriyyatlarının maliyyələşdirilməsi;
• köçürmə tədbirləri;
• kəşf, ixtira və səmərələşdirici təkliflər ilə əlaqədar büdcədən xərclərin ödənilməsi;
• ümumtəhsil fondu hesabına tədbirlər;
• respublika hökumətinin qərarlarına müvafiq olaraq yerinə yetirilən milli və beynəlxalq sərgi və yarmarkaların xaricdə keçirilməsi;
• icazə verilmiş məbləğdə bayramlarla bağlı ümumi rayon və ümumşəhər tədbirlərinin keçirilməsi;
• büdcə təşkilatlarının ixtisasartırma müəssisələrində dinləyicilərin ixtisas artımı və hazırlıq işləri;
• qan preparatlarının keyfiyyətini müəyyən etmək üçün qanköçürmə məntəqələri tərəfindən heyvanların alınması;
• maliyyə orqanlarının uçotuna daxil olmuş dövlət idarələrinin keçmiş əmlakının, sahibsiz əmlakın, müsadirə edilmiş əmlakın ticarət və sairə təşkilatlara verilməmişdən qabaq saxlanılması, təmiri, cümlədən başqa xərclər;
• təhsil alanların təhsil və istehsalat təcrübəsi xərcləri, aspirantlar və təhsil alanlar üçün, o cümlədən uşaq müəssisələrində uşaqlarla məşğələlər üçün müxtəlif ləvazimatların, məktəb və rəsmxətt ləvazimatlarının, materialların və təhsil, laboratoriya məşğələləri üçün inventarların alınması xərcləri;
• təhsil ekskursiyaları;
• təhsil proqramlarının nəşri və alınması;
• tədris müəssisələri üçün sinif jurnallarının, blankların, diplomların, şəhadətnamələrin, tələbə biletlərinin, zaçot kitabçalarının və digər sənədlərin alınması;
• şagirdlərin düşərgə toplantılarının keçirilməsi;
• şagirdlərin yeni qəbulunun təşkili;
• şagirdlərin istehsalat təcrübəsinin ödənilməsi;
• şagirdlərin yol haqqının və onların yolda və praktika bazalarında olduqları müddətdə gündəlik yemək xərclərinin ödənilməsi;
• tədris müəssisələri tərəfindən elmi-tədqiqat işləri üçün alınan təcrübə heyvanlarının və mal-qaranın alınması, gətirilməsi və saxlanılması, elmi sessiyaların, qurultayların, konfransların, iclasların, habelə şagirdlər, xəstələr və əlillər arasında mədəni-maarif xarakterli tədbirlərin təşkili və keçirilməsi;
• dissertasiyaların müdafiəsi;
• elmi-tədqiqat müəssisələri üçün kənar təşkilatlar tərəfindən yerinə yetirilən elmi, təcrübi və eksperimental işlərin ödənilməsi;
• tədris müəssisələrinin nəzdindəki eksperimental emalatxanaların xidmətinin ödənilməsi;
• bank xidmətləri haqqının ödənilməsi;
• muzey ekspozisiyalarının və sərgilərin təşkili zamanı müvəqqəti xarakter daşıyan və köməkçi materiallar olan xəritələrin, sxemlərin, diaqramların, eskizlərin, maketlərin və digər əşyaların hazırlanması;
• sair əməliyyat xərclərinin və məsrəflərin ödənilməsi;
• müxtəlif cür sair cari xərclər;
• kitabxanalar üçün kitab alınması xərcləri;
• açıq kitabxana şəbəkəsi, tədris müəssisələri, məktəblər, xəstəxanalar və digər idarələrdə fəaliyyət göstərən kitabxanalar üçün kitab alınması; kitabxana fonduna aid edilən jurnal və nəşrlərin alınması; klub, rayon mədəniyyət evləri, məktəblər, xəstəxanalar, sanatoriyalar, sanitar maarifi evləri üçün dövrü mətbuatın alınması; kitabların cildlənməsi; kitabxanalar üçün kitabxana əşyalarının və uçot sənədlərinin alınması;
• Azərbaycan Respublikasının xarici ölkələrdə olan səfirlik, konsulluq və nümayəndəliklərinin əməkdaşları və onların ailə üzvlərinin müəyyən edilmiş norma daxilində yüklərinin daşınması xərclərinin ödənilməsi;
• əmək vəzifələrini yerinə yetirərkən xəsarət almış, peşə xəstəliyinə tutulmuş işçilərə və yaxud bu səbəblərdən həlak olmuş işçilərin ailələrinə dəymiş zərərin ödənilməsi;
• beynəlxalq və ümumrespublika gənclər, idman tədbirlərinin, təlim-məşq yarışlarının və təlim-məşq toplanışlarının keçirilməsi xərcləri, dəvət olunmuş hakimlərin haqqları;
• arxiv materiallarından istifadə edilməsi xərcləri;
• film və verilişlərin çəkilməsi üçün icarəyə götürülmüş teatr, konsert salonları, sahə və otaqların icarə haqqı xərcləri;
• lisenziyalı bədii, sənədli, cizgi filmlərin və müxtəlif proqramların prokatı və alınması xərcləri;
• informasiya agentliklərinin xidmətləri;
• maddi vəziyyəti ağır olan vətəndaşların məhkəmədə müdafiəsi ilə əlaqədar vəkillərin əməyinin ödənilməsi.

2-ci «Faizlər üzrə ödənişlər» maddəsinə Azərbaycan Respublikası Milli Bankından, başqa banklardan alınmış və xaricdən cəlb edilmiş kredit resursları üzrə faizlərin ödənilməsi ilə bağlı xərclər aid edilir.

3-cü «Subsidiyalar və cari ödənişlər (transfertlər)» maddəsinə qeyri-maliyyə dövlət təşkilatlarına malların satıldığı dövrdə əmələ gələn qiymət fərqinin ödənilməsi, müəssisə və təşkilatlar tərəfindən mal (xidmət) satışı dövründə əmələ gəlmiş itkilərin ödənilməsi üçün dotasiya və sair ödənişlər; bank və sığorta təşkilatlarına subsidiyaların verilməsi ilə bağlı ödənişlər; digər səviyyəli büdcələrə verilən vəsaitlər (subsidiyalar, dotasiyalar, qarşılıqlı hesablaşmalar, gəlirin artığı, alınmış büdcə ssudalarının qaytarılması), mənfəətsiz işləyən təşkilatlara ödənişlər aid edilir.

3.4-cü «Əhaliyə ödənişlər» köməkçi maddəsinə uşaqlı ailələrə dövlət müavinəti və kompensasiyalar; bütün növ pensiyalar; təqaüdlərin ödənilməsi; şəhid ailələrinə birdəfəlik maddi yardım; qaçqınlara və məcburi köçkünlərə maddi yardım göstərilməsi; təbii fəlakətdən zərər çəkən vətəndaşlara birdəfəlik pul yardımının göstərilməsi, humanitar yardım, pulsuz müalicəyə göndərilən pensiyaçıların xərci, ən çox ehtiyacı olan pensiyaçılara və onların ailə üzvlərinə maddi yardım və əhaliyə sair ödənişlər aid edilir.

3.5-ci «Xarici ölkələrə cari ödənişlər» köməkçi maddəsinə xarici dövlətlərə əvəzsiz yardımın göstərilməsi ilə bağlı əməliyyatların maliyyələşdirilməsi, beynəlxalq təşkilatlara üzvlük haqqının ödənilməsi ilə bağlı xərclər və sair cari ödənişlər aid edilir.

4-cü «Əsas fondlara əsaslı vəsait qoyuluşu» maddəsinin 4.1-ci «Əsas vəsaitlərin alınması» köməkçi maddəsinə dövlət müəssisə, idarə və təşkilatları üçün istehsalat və qeyri-istehsalat avadanlıqlarının və uzun müddət istifadə olunan əşyaların, bina və tikililərin, nəqliyyat vasitələrinin alınması xərcləri aid edilir.

4-cü «Əsas fondlara əsaslı vəsait qoyuluşu» maddəsinin 4.2-ci «Əsaslı tikinti» köməkçi maddəsinə limitdaxili və limitdənkənar dövlət əsaslı vəsait qoyuluşu hesabına mənzil, istehsalat, sosial-mədəni və məişət təyinatlı, inzibati və idarəetmə obyektlərinin, yolların və s. tikintisi və yenidən qurulması, istehsalat obyektlərinin genişləndirilməsi, obyektlərin qazlaşdırılması, su və işıq çəkilişi xərcləri aid edilir.

4-cü «Əsas fondlara əsaslı vəsait qoyuluşu» maddəsinin 4.3-cü «Əsaslı təmir» köməkçi maddəsinə aşağıdakı xərclər aid edilir:

• mənzil fondunun, istehsalat obyektlərinin, sosial-mədəni və məişət təyinatlı obyektlərin, inzibati və idarəetmə obyektlərinin, yolların və s. əsaslı təmiri;
• tarix və mədəniyyət abidələrinin bərpası;

5-ci «Dövlət ehtiyatlarının yaradılması» maddəsi strateji və fövqəladə ehtiyatların, bazarın fəaliyyətini tənzimləyən təşkilatlar tərəfindən ehtiyatların, habelə ölkə üçün çox vacib olan taxıl və başqa mallar ehtiyatının alınması xərclərini əks etdirir. Bura adi ehtiyatlar daxil edilmir.

6-cı «Torpaq və qeyri-maddi aktivlərin alınması» maddəsi torpağın, meşənin, daxili suların və faydalı qazıntılar yerinin (onlarda yerləşən tikinti obyektləri və qurğularından başqa) alınması xərclərini əhatə edir.

7-ci «Əsaslı ödənişlər (transfertlər)» maddəsinin 7.1-ci «Ölkə daxilində əsaslı ödənişlər» köməkçi maddəsinə ölkə daxilində digər səviyyəli büdcələrə, qeyri-maliyyə dövlət təşkilatlarına, maliyyə idarələrinə və sairlərə əsaslı məsrəflər ödənilməsinə aid edilir.

7.2-ci «Xarici əsaslı ödənişlər» köməkçi maddəsinə xarici hökumətlərə, beynəlxalq təşkilatlara, müəssisə və hüquqi şəxslərə əvəzsiz və qaytarılmamaqla verilən əsaslı məsrəflər aid edilir.

8-ci «Ölkə daxilində qaytarılan məbləğ çıxıldıqdan sonra kreditlərin verilməsi» maddəsinin 8.1-ci «Ölkə daxilində kreditlərin verilməsi», 8.2-ci «Ölkə daxilində verilmiş kreditlərin qaytarılması» köməkçi maddələrinə qeyri-maliyyə dövlət təşkilatlarına, maliyyə idarələrinə, digər səviyyəli büdcələrə və sairlərə verilən kreditlər və onların qaytarılması aid edilir.

8.3-cü «Daxili sərmayədə dövlətin iştirakı» köməkçi maddəsi qeyri-maliyyə dövlət təşkilatlarında, maliyyə idarələrində və sairlərdə daxili sərmayədə dövlətin iştirakı ilə bağlı məqsədlər üçündür.

8.4-cü «Dövlətə məxsus olan daxili səhmlərin və sərmayənin satışından daxilolmalar» köməkçi maddəsinə qeyri-maliyyə dövlət təşkilatlarının, maliyyə idarələrinin və s. səhmlərinin və sərmayəsinin satışından daxilolmalar aid edilir.

9-cu «Xaricə qaytarılan məbləğ çıxıldıqdan sonra kreditlərin verilməsi» maddəsinin 9.1-ci «Xaricə kreditlərin verilməsi», 9.2-ci «Xaricdən kreditlərin qaytarılması» köməkçi maddələrinə xarici dövlətlərə, beynəlxalq təşkilatlara və sairlərə verilən kreditlər və onların qaytarılması aid edilir.

9.3-cü «Xarici sərmayədə dövlətin iştirakı» köməkçi maddəsi bu sahədə dövlətin iştirakı ilə bağlı məqsədlər üçündür.

9.4-cü «Dövlətə məxsus olan xarici səhmlərin və sərmayənin satışından daxilolmalar» köməkçi maddəsi dövlətə məxsus olan xarici səhmlərin və sərmayənin satışından daxilolmalara aid edilir.