İşğaldan azad edilmiş ərazilərdə iqtisadi canlanmanın sürətləndirilməsi, investisiya cəlbediciliyinin artırılması, müasir və effektiv istehsal infrastrukturunun yaradılması, innovativ texnologiyaların tətbiqi, sənaye potensialının reallaşdırılması və sahibkarlıq fəaliyyəti üçün əlverişli şərait yaradılması məqsədilə ödənilir.

Aşağıda qeyd olunan bütün şərtlərə cavab verən hüquqi şəxslər və ya sahibkarlıq fəaliyyətini hüquqi şəxs yaratmadan həyata keçirən fiziki şəxslər kommunal xidmətlər üzrə maliyyə yardımından yararlana bilər: riskli vergi ödəyicisi olmayan; işğaldan azad edilmiş ərazilər üzrə vergi uçotuna alınan; işğaldan azad edilmiş ərazilərdə istehsal fəaliyyəti ilə məşğul olan.

Azərbaycan Respublikası Prezidentinin 1 may 2023-cü il tarixli 2131 nömrəli Fərmanına əsasən kommunal xidmətlərdən istifadəyə görə maliyyə yardımı 01.01.2023-cü il tarixdən etibarən 10 (on) il müddətində ödənilir.

İşğaldan azad edilmiş ərazilərdə istehsal fəaliyyəti ilə məşğul olan sahibkarlar tərəfindən elektrik enerjisi, təbii qaz, su təchizatı və tullantı sularının axıdılması xidmətindən istifadəyə görə maliyyə yardımı ödənilir.

Sahibkarlar ay bitdikdən sonra növbəti ayın 5-dək Dövlət Vergi Xidmətinin internet portalında (https://new.e-taxes.gov.az) şəxsi elektron kabinetin "Ərizələr" bölməsindəki elektron müraciət forması ilə vergi orqanına müraciət etməlidir.

Müraciət növbəti ayın 5-dək edildikdə vergi orqanı növbəti ayın 15-dək baxır. Müraciət 5-dən sonra edildikdə növbəti ay üzrə nəzərə alınır.

İmtinaya səbəb olmayan çatışmazlıq olduqda 3 iş günü ərzində bildiriş göndərilir və 5 iş günü verilir. İmtinaya səbəb olan çatışmazlıq olduqda əsaslandırılmış qərar qəbul edilərək 3 iş günü ərzində sahibkara göndərilir.

Çatışmazlıq bildirişdə qeyd edilən müddətdə aradan qaldırılmadıqda vergi orqanı tərəfindən müraciət baxılmamış saxlanılır.

Bəli. İmtina edilməsi və ya baxılmamış saxlanılması barədə qərar sahibkarın yenidən müraciət etməsinə mane olmur.

Sahibkarlar tərəfindən hər ay istehlak olunan kommunal xidmətin tarifinə uyğun ödənilmiş vəsaitin 20 faizi məbləğində müəyyən edilir.

Ay üzrə istifadə edilmiş kommunal xidmət üzrə elektron qaimə-faktura məlumatları, ödənişi təsdiq edən sənədlərin surəti, maliyyə yardımının köçürüləcəyi bank hesabı məlumatları, sayğac məlumatları və kommunal xidmət göstərən müəssisə ilə müqavilənin surəti təqdim edilməlidir.

DVX-nin baza məlumatları, sahibkarlar tərəfindən təqdim edilən sənədlər və kommunal xidmət göstərən dövlət müəssisəsinə göndərilmiş sorğular əsasında araşdırılır.

Nağd və nağdsız əməliyyatların limiti "Nağdsız hesablaşmalar haqqında" Qanuna əsasən tənzimlənir. ƏDV məqsədləri üçün qeydiyyata alınmış vergi ödəyiciləri tərəfindən təqvim ayı ərzində ümumi məbləği müəyyən həddən artıq olan hesablaşmalar yalnız nağdsız qaydada həyata keçirilməlidir. Borc verən təsisçi vergi orqanında vergi ödəyicisi kimi qeydiyyatdadırsa, həmin borc məbləği təsisçiyə yalnız nağdsız qaydada qaytarılmalıdır.

Bəli. Vergi orqanında uçotda olmayan şəxslərdən mallar alındıqda alış aktı və elektron alış aktı 5 gün müddətində tərtib edilməlidir. Sənəd olmadıqda malların dəyərinin birinci dəfə 10%, ikinci dəfə 20%, üç və daha çox dəfə 40% miqdarında maliyyə sanksiyası tətbiq edilir.

İşçinin əməkhaqqının 8000 manatadək olan hissəsindən 2 faiz, 8000 manatdan yuxarı olan hissəsindən 0,5 faiz icbari tibbi sığorta haqqı hesablanır. Əmək haqqının tərkibinə daxil olmayan ödənişlər icbari tibbi sığorta üzrə sığorta haqqına cəlb olunmur.

İcarəyə götürülmüş əsas vəsaitlər üzrə təmir xərclərinin gəlirdən çıxılması Vergi Məcəlləsinin 115.4–115.8-ci maddələrinə uyğun müəyyən edilir. Gəlirdən çıxılan məbləğ əsas vəsaitlərin kateqoriyasının qalıq dəyərinin faiz həddi ilə məhdudlaşdırılır.

Bəli. Əməliyyatın baş tutmaması səbəbindən vəsait geri qaytarıldığı hallarda Vergi Məcəlləsinin 125.1.9-cu maddəsinə uyğun tutulmuş 10 faiz dərəcə ilə ödəmə mənbəyindəki vergi azaldılır.

Müvəqqəti vergi rejimi ilə bağlı əmlak vergisi azadolması yalnız Vergi Məcəlləsinin 222.5-ci maddəsindəki şəxslərə həmin fəaliyyət üzrə tətbiq edilir. Müştərək fəaliyyət üçün istifadə olunan əmlak tam məbləğdə əmlak vergisinə cəlb edilir.

ƏDV ödəniş tapşırığının banka verildiyi (qəbul edildiyi) ayın ƏDV bəyannaməsində əvəzləşdirilir — bankın tapşırığı icra etdiyi tarixdən asılı olmayaraq.

Təqvim ili ərzində ardıcıl 182 gündən artıq faktiki olaraq Azərbaycan Respublikasının ərazisində olan fiziki şəxs rezident hesab olunur.

Azərbaycan Respublikası rezidenti olduğu halda həm ölkə daxilindəki, həm də xaricdəki bütün gəlirlər Azərbaycan Respublikasında vergiyə cəlb olunur.

ƏDV qeydiyyatı olmayan dövr üzrə formalaşan bölüşdürülməmiş mənfəətdən dividendin ödənilməsi zamanı ƏDV qeydiyyatında olması Vergi Məcəlləsinin 106.10-cu maddəsindəki güzəşt hüququnu məhdudlaşdırmır.

Bəli. Vergi Məcəlləsinin 218.1.2-ci maddəsinə əsasən ictimai iaşə fəaliyyəti ilə məşğul olan şəxslər sadələşdirilmiş verginin ödəyicisi olmaq hüququna malikdirlər. Vergi ödəyicilərinə ketrinq xidməti göstərilməsi bu hüququ məhdudlaşdırmır.