Xidmətlərdən istifadə qaydası:

Çağrı Mərkəzinin xidmətlərindən stasionar (şəhər, kənd) telefonlardan, habelə "Azercell", "Bakcell" və "Nar" nömrələrindən birbaşa "195" nömrəsini yığaraq istifadə edə bilərsiniz.

"195" nömrəsi yığıldıqdan sonra "1" düyməsini seçməklə Dövlət Vergi Xidmətinin Çağrı Mərkəzinə müraciət edə bilərsiniz.

"195" nömrəsinə zəng edərkən telefon ton rejimində işləməlidir. Əgər "195"ə zəng edib "1" düyməsini seçdikdən sonra əlaqə kəsilirsə bu sizin telofonunuzun ton rejimində işləməməsi ilə əlaqəlidir. Bu zaman "195"ə zəng etdikdən sonra "1" düyməsi seçilməzdən öncə "*" (ulduz) düyməsini sıxmaqla telefonu ton rejiminə keçirmək olar.

Qeyri-iş saatlarında xidmətdən istifadə qaydası:

Qeyri-iş saatlarında Dövlət Vergi Xidmətinin Çağrı Mərkəzinə müraciət etmiş şəxslərə Azərbaycan, rus və ingilis dillərində olmaqla 3 dil seçimi təklif olunur.

Bu zaman müraciət etmiş şəxslər avtomatik rejimdə vergi növləri barədə məlumat əldə edə bilər, vergi borcunu öyrənə bilər və ya verilən məlumatlar kifayət etmədikdə növbəti iş günündə onlarla Çağrı Mərkəzinin əməkdaşı tərəfindən əlaqə yaradılması üçün müraciət edə bilərlər.

Növbəti iş günündə Çağrı Mərkəzinin əməkdaşı tərəfindən əlaqə yaradılmasını istəyən şəxslər "3" düyməsini seçməklə səsli menyunun istiqamətləndirici köməyi ilə təkrar əlaqə üçün stasionar (şəhər, kənd) nömrələrini və digər zəruri məlumatları sistemə daxil etməlidirlər.

Səsli menyunun hər hansı menyusundan istifadə edərkən "0" düyməsini seçməklə zəng sifarişi menyusuna bağlana bilərsiniz.

Aldığınız məlumat Sizi qane etmirsə iş günləri saat 09:00-dan 18:00-dək yenidən zəng etməklə Çağrı Mərkəzinin əməkdaşı ilə birbaşa əlaqə yarada bilər və ya sıfır (0) düyməsini sıxmaqla Sizə zəng edilməsi üçün nömrənizi daxil edə bilərsiniz.

Hal-hazırda "İkitərəfli SMS xidməti" vasitəsilə abunə olmuş şəxslərə vergi öhdəlikləri və vergi orqanının qanuni tələbləri barədə 21, xidmətdən sorğu vasitəsilə istifadə edən şəxslərə isə 5 istiqamətdə məlumatlar göndərilir.

Xidmətdən iki formada istifadə etmək mümkündür.

1. İnternet Vergi İdarəsi vasitəsilə qeydiyyatdan keçmək üçün "Onlayn kargüzarlıq və e-VHF" bölməsinin "İkitərəfli SMS xidməti" altbölməsinə daxil olduqdan sonra açılan pəncərədə "Nömrənin qeydiyyatdan keçirilməsi" bölməsi seçilməlidir. Açılan növbəti pəncərədə mobil nömrə daxil edilir, telefona təsdiq kodu göndərilir, təsdiq kodu müvafiq pəncərəyə daxil edilərək təsdiq edildikdən sonra qeydiyyat yekunlaşır. 
   İnternet Vergi İdarəsi vasitəsilə xidmətə abunə olmaq üçün isə "Onlayn kargüzarlıq və e-VHF" bölməsinin "İkitərəfli SMS xidməti" altbölməsinə daxil olduqdan sonra "Abunə ol" düyməsi seçilməlidir. Açılan pəncərədə mobil nömrə daxil edilir, telefona təsdiq kodu göndərilir, təsdiq kodu müvafiq pəncərəyə daxil edilərək təsdiq edildikdən sonra abunəlik yekunlaşır.
2. Xidmətdən istifadə etmək üçün mobil telefonda *195* istifadəçi kodu * şifrə # yığılmaqla "YES" (məsələn: *195*00000541*121756#YES) düyməsi sıxılmaqla nömrə qeydiyyatdan keçirilməlidir.
   Xidmətə abunə olmaq üçün qeydiyyatdan keçirilmiş mobil telefon nömrəsindən "START" yazıb 8195 nömrəsinə SMS göndərilməlidir.

Abunə olmuş VÖEN-lər üzrə aşağıdakı hallar olduqda müvafiq məzmunlu SMS göndərilir:

Nömrə qeydiyyatdan keçirildikdən sonra xidmətə abunə olmadan 8195 nömrəsinə:

"1" yazıb göndərməklə dövlət büdcəsinə olan vergi borcu barədə;
"2" yazıb göndərməklə təqdim edilməli bəyannamələr barədə;
"3" yazıb göndərməklə fəaliyyətin aktiv və ya dayandırılmış olması barədə;
"4" yazıb göndərməklə e-qutuda oxunmamış məktubların olub-olmaması barədə;
"5" yazıb göndərməklə qeydiyyatda olan təsərrüfat subyektləri barədə məlumat ala bilərsiniz.

8195 nömrəsinə göndərilmiş hər sorğuya görə nömrənin balansından 10 qəpik xidmət haqqı tutulur. Abunə olmuş vergi ödəyicilərinin nömrəsinin balansından ayda 1 manat 18 qəpik abunə haqqı tutulur. Bu xidmətdən "Azercell", "Bakcell" və "Nar" mobil operatorlarının abonentləri istifadə edə bilər.