Vergi ombudsmanı institutunun Azərbaycanda yaradılması tarixçəsi

2019 - Azərbaycan Vergi ombudsmanı İnstitutu fəaliyyətə başlamış və Elçin Məmmədov Azərbaycanın ilk vergi ombudsmanı təyin edilmişdir.

2023 - 2023-cü ildə Vergi ombudsmanı xidməti baş idarəsi yaradılmışdır.

2024 - 2024-cü ildə iqtisadiyyat nazirinin əmri ilə Vergi ombudsmanı xidməti baş idarəsinin Əsasnaməsi təsdiq edilmiş və Baş idarə kadrlarla komplektləşdirilmişdir.

Vergi ombudsmanı xidməti baş idarəsi Dövlət Vergi Xidmətinin Aparatının müstəqil struktur bölməsidir.

Əsas vəzifələrimiz:

• vergi ödəyicilərinin hüquqlarının qorunması istiqamətində preventiv tədbirlərin görülməsi
• vergi ödəyicilərinin hüquqlarının pozulması hallarının aşkarlanması
• əlverişli biznes mühitinin yaradılması istiqamətində təkliflərin hazırlanması
• vergi proseslərinin səmərəli təşkilinə dair tövsiyələrin verilməsi
• vergi ödəyiciləri ilə mütəmadi olaraq görüşlərin və sorğuların keçirilməsi
• müraciətlərin təhlil edilməsi.

• Vergi ödəyicilərinin hüquqlarının pozulmaması və pozulmuş hüquqların bərpası məqsədilə təhlillər aparmaq, iş proseslərinin keyfiyyətinin monitorinqini həyata keçirmək, müvafiq təkliflər və (və ya) tövsiyələr hazırlamaq;
• Vergi ödəyiciləri tərəfindən verilmiş şikayətlərin yaranma səbəblərini araşdıraraq qarşısının alınması üçün preventiv tədbirlər görmək;
• Şikayət və müraciətlərin məhkəməyə çıxmadan həllini təmin etmək;
• Adil və ədalətli davranıb vergi ilə bağlı problemlərin ədalətli həllinə nail olmaq;
• Vergi ödəyicilərinə hüquq və vəzifələrini izah etmək;
• Vergi ödəyicilərinə göstərilən bütün xidmətləri daha yaxşı etmək üçün təkliflər vermək;
• Vergi orqanları ilə vergi ödəyiciləri arasında əməkdaşlıq formatında münasibətləri tənzimləmək;
• Vergi qanunvericiliyi və vergi siyasəti ilə bağlı qərarların hazırlanmasında və müvafiq tövsiyələrin təqdim olunmasında iştirak etmək;
• Vergi sahəsinin inkişafı üçün tədbirlər görmək;
• Vergi sahəsində normayaratma fəaliyyətində iştirak etmək.

Elçin Məmmədov
Vergi ombudsmanı, İqtisadiyyat Nazirliyi yanında Dövlət Vergi Xidmətinin rəisinin müşaviri – Vergi ödəyicilərinə xidmət baş idarəsinin rəisi 

Arif Quliyev
İqtisadiyyat Nazirliyi yanında Dövlət Vergi Xidmətinin Vergi ombudsmanı xidməti baş idərəsinin rəisi 

Məmməd Quliyev
İqtisadiyyat Nazirliyi yanında Dövlət Vergi Xidmətinin Vergi ombudsmanı xidməti baş idərəsinin Müraciətlərin yaranma hallarının araşdırılması şöbəsinin rəisi 

Şəhla Xankişiyeva
İqtisadiyyat Nazirliyi yanında Dövlət Vergi Xidmətinin Vergi ombudsmanı xidməti baş idərəsinin Proseslərin təhlili şöbəsinin rəisi 

Proseslərin təhlili şöbəsi

• Vergi ödəyicilərinin hüquqlarının qorunması baxımından iş proseslərini təhlil etmək;
• Təhlil nəticələrinə əsasən təkliflər və tövsiyələr hazırlamaq;
• Təhlillərin nəticələrini və təklifləri Vergi ombudsmanına təqdim etmək;
• Əsasnamə ilə müəyyən edilmiş digər vəzifələr

Müraciətlərin yaranma hallarının araşdırılması şöbəsi

• Vergi ödəyicilərindən vergi orqanlarına daxil olmuş müraciətləri təhlil etmək;
• Vergi ombudsmanının görüşlərini təşkil edib müraciətləri ümumiləşdirmək və təhlil etmək;
• Müraciətlərin təhlili əsasında daha əlverişli biznes mühitinin yaradılması istiqamətində təkliflər və (və ya) tövsiyələr hazırlamaq;
• Əsasnamə ilə müəyyən edilmiş digər vəzifələr

Keyfiyyətə nəzarət şöbəsi

• Ombudsmana ünvanlanmış müraciətlərin icrasına nəzarət etmək;
• İş proseslərinin keyfiyyətinin monitorinqini həyata keçirmək;
• Keyfiyyətin monitorinqi nəticəsində fəaliyyətin daha səmərəli və vergi ödəyicilərinin hüquqlarının qorunması istiqamətində təşkilinə dair təkliflər və (və ya) tövsiyələr (layihələr) hazırlamaq;
• Əsasnamə ilə müəyyən edilmiş digər vəzifələr