Azәrbaycan Respublikası Nazirlәr Kabinetinin 28 dekabr 1995-ci il tarixli 266 saylı «Azәrbaycan Respublikasının әrazisindә nәzarәt-kassa aparatlarının tәtbiq olunması haqqında» vә digәr aidiyyәti qәrarlarının icrası ilә әlaqәdar aşağıdakıları icra vә rәhbәrlik üçün bildiririk:
Nәzarәt-kassa aparatlarından istifadә edәn hüquqi vә fiziki şәxslәr nәzarәt-kassa aparatlarını vergi orqanlarında qeydiyyatdan keçirmәk üçün әrazi üzrә vergilәr idarәsinә (şöbәsinә) müәyyәn olunmuş formada әrizә ilә müraciәt etmәlidir. Ərizәyә NKA-nın pasportu vә STXM tәrәfindәn nәzarәt-kassa aparatlarının quraşdırılma aktı әlavә edilmәlidir. 5-gün әrzindә rayon (şәhәr) üzrә Vergilәr idarәsi (şöbәsi) tәrәfindәn әrizәdә göstәrilәn ünvana nümayәndә göndәrilmәli, hәmin obyektdә nәzarәt-kassa aparatlarının faktiki quraşdırıldığı, әrizәdә göstәrilәn mәlumatların düzgünlüyü, aparatın üzәrindә vurulmuş, pasportunda göstәrilmiş, habelә çap olunan çekdә yazılan istehsal nömrәlәrinin uyğunluğu, zәdәlәnmәmiş plombun mövcudluğu vә hüquqi vә ya fiziki şәxsin bütün rekvizitlәrinin, hәmçinin obyektin yerlәşdiyi ünvanın NKA-nın yaddaşına verildiyi vә çekdә әks etdirildiyi yoxlanılmalıdır. Mәlumatlar tәsdiq edildikdәn sonra aparat uçota götürülәrәk, әrizәçiyә Qeydiyyat vәrәqәsi verilmәlidir. Eyni zamanda nәzarәt-kassa aparatının pasportunun üzәrindә «_________ rayonu (şәhәri) üzrә Vergilәr idarәsindә (şöbәsindә) qeydә alınmışdır» sözlәri vә sayğacın göstәricisi yazılmalı, tarix vә imza qoyulmaqla idarәnin (şöbәnin) möhürü ilә tәsdiq edilәrәk obyektin nümayәndәsinә qaytarılmalıdır.
Nәzarәt-kassa aparatlarının tәtbiqinә başlanılmazdan әvvәl obyektdә faktiki mal qalığı çıxarılmalı, mallar çeşid vә növünә uyğun olaraq onların adı, miqdarı vә satış qiymәti göstәrilmәklә nәzarәt-kassa aparatının yaddaşına daxil edilmәlidir.
İctimai iaşә obyektlәrindә istifadә edilәn nәzarәt-kassa aparatlarının yaddaşına eyni qayda ilә orada emal edilmәdәn satılan bütün mallar daxil edilmәlidir. Emal edilәrәk satılan mәhsulların müdiriyyәt tәrәfindәn tәsdiq edilmiş preyskurantı olmalıdır. Sifarişçiyә verilәn çekdә mәhsulun adı, miqdarı vә preyskurant qiymәti әks olunmalıdır. Bunun üçün nәzarәt-kassa aparatının yaddaşına mәhsulun adı vә preyskurant qiymәti daxil edilmәlidir.
Valyuta dәyişmә mәntәqәlәrindә nәzarәt-kassa aparatının yaddaşına bank tәrәfindәn mübadilә üçün verilmiş valyutaların növlәri, hәr növ üzrә miqdarı vә müvafiq zaman üçün müәyyәn olunmuş dәyişmә mәzәnnәsi daxil edilmәlidir.
Hәr iş gününün sonunda nәzarәt-kassa apartından Z-hesabatı (maliyyә hesabatı) vә PLU-hesabatı (әmtәәnin sayı ilә satışının hesabatı), hәr tәqvim ayının 1-nә mal qalığı hesabatı vә aylıq Z-hesabatı alınmalıdır. Bu hesabatlar vә kassa apartının nәzarәt lenti ilkin mühasibat sәnәdi olmaqla bu sәnәdlәrin saxlanılması qaydalarına müvafiq olaraq obyektdә saxlanılmalıdır. Saxlanılan lentlәr hissәlәrә ayrılmadan bütöv şәkildә olmalıdır.
Hәr hansı bir obyektdә onun ümumi sahәsinә görә nәzarәt-kassa aparatlarından istifadә olunmalıdırsa, orada fәaliyyәt göstәrәn bütün icarәdarlar tutduqları sahәdәn asılı olmayaraq nәzarәt-kassa aparatlarından istifadә etmәlidirlәr.
Qeydiyyata alınmış vә istismarına başlanmış NKA olan hәr bir obyektdә qaytanlanmış, sәhifәlәri nömrәlәnmiş vә müvafiq vergi orqanı tәrәfindәn möhürlәnmiş «NKA-nın işlәmәdiyi dövrdә aparılan әmәliyyatların uçotu» vә «NKA-ya texniki xidmәt» kitablarının olması rayon (şәhәr) üzrә Vergilәr idarәsi (şöbәsi) tәrәfindәn tәmin edilmәlidir.

Operativ nәzarәt idarәsinin
rәis әvәzi                                                                    S. Hәşimov