A-214
18 dekabr 2000-ci il

ƏMR

Vergi Mәcәllәsinin tәtbiqi  ilә әlaqәdar әrizә, şәhadәtnamә, vergi  hesabatı  vә bildiriş formalarının tәsdiq edilmәsi  barәdә

Azәrbaycan Respublikası Prezidentinin «Azәrbaycan Respublikasının Vergi Mәcәllәsinin tәsdiq edilmәsi, qüvvәyә minmәsi vә bununla bağlı hüquqi tәnzimlәmә mәsәlәlәri haqqında Azәrbaycan Respublikasının Qanununun vә bu Qanunla tәsdiq edilmiş Azәrbaycan Respublikası Vergi Mәcәllәsinin tәtbiq edilmәsi barәdә» 30 avqust 2000-ci il tarixli 393 saylı Fәrmanının 3-cü bәndinin icrasını tәmin etmәk mәqsәdilә

ƏMR   EDİRƏM

1. Aşağıda göstәrilәn sәnәdlәrin formaları tәsdiq edilsin (әlavә edilir):
-Fiziki şәxsin sahibkarlıq fәaliyyәtindәn gәliri vә muzdla olmayan işdәn digәr gәlirlәri haqqında bәyannamә;
-Mәnfәәt vergisinin bәyannamәsi;
-Əlavә dәyәr vergisinin bәyannamәsi;
-Aksiz bәyannamәsi;
-Əmlak vergisinin bәyannamәsi;
-Mәdәn vergisinin bәyannamәsi;
-Sadәlәşdirilmiş sistem üzrә verginin bәyannamәsi;
-Azәrbaycan Respublikasında daimi nümayәndәlik vasitәsilә fәaliyyәt göstәrәn qeyri-rezident hüquqi şәxsin vergi bәyannamәsi;
-Qeyri-rezidentә ödәnilmiş mәblәğdәn tutulmuş әlavә dәyәr vergisinin bәyannamәsi;
-Vergi ödәyicisi olan hüquqi şәxsin (filial vә nümayәndәliklәrin) uçota alınması haqqında әrizә;
-Vergi ödәyicisi olan fiziki şәxsin (fәrdi sahibkarın) uçota alınması haqqında әrizә;
-Vergi ödәyicisinin uçota alınması haqqında şәhadәtnamә;
-ƏDV mәqsәdlәri üçün qeydiyyat haqqında әrizә;
-ƏDV ödәyicisinin qeydiyyat bildirişi.

 2. Naxçıvan MR Vergilәr Nazirliyinә, Bakı şәhәri üzrә Baş Vergilәr İdarәsinә, şәhәrlәr vә rayonlar üzrә Vergilәr  İdarәlәrinә (Şöbәlәrinә) tapşırılsın ki,  01 yanvar 2001-ci il tarixdәn vergi ödәyicilәrinin qeydiyyata alınması vә vergi bәyannamәlәrinin qәbul edilmәsindә bu әmrlә tәsdiq edilmiş  formalardan istifadә edilmәsini tәmin etsinlәr.
 3. 2000-ci  ilin aylıq, rüblük, illik hesabatları vә vergi haqq-hesabları 01 yanvar 2001-ci il tarixәdәk qüvvәdә olan qanunvericiliyә vә formalara uyğun  qәbul edilsin.
 4. Katibliyin rәisinә (E.Hacıyev) tapşırılsın ki, bu әmrin surәtinin Vergilәr Nazirliyinin bütün struktur bölmәlәrinә çatdırılmasını tәmin etsin.
 5. Maliyyә İdarәsinә (R. Lәtifov) tapşırılsın ki, vergi orqanlarının tәsdiq edilmiş formada blanklarla vaxtında tәmin olunması üçün tәdbirlәr görsün.
 6. Əmrin icrasına nәzarәti özümdә saxlayıram.

 Nazir                                                           F. Mәmmәdov